Hanf und anderi Hobbies
geschrieben am Thursday, October 10, 2013
Droge sind jo do gwüss äs grosses Problem. Abgseh dävo das mers relativ günstig überchunnt isch wohrschinli sgrössere Problem das än rechte Teil vom Chrieg (und somit au vom Chrieg wod Amis füehred) immer no dä Droge (v.a. am Opium) zuezschriebe isch. DExtremiste (u.a. Taliban) finanziered sich über dä Drogehandel und über Pakistan. Dä Drogehandel isch jo dä einzig würklichi Export in Afghanistan. Mit 95% vom weltwite Opium und als grösste Grasproduzent vo dä Welt loht sich do scho was mache :-)
Chli Gras hani scho seint oder ander mol imnä Garte gseh. Aber nie so konkret nöch dra gsi. Jedefalls bini letztens bim Kolleg gsi und mir händ chli Härdöpfel brölet. Au sus gsehnder do nochli wie Afghane so läbäd:
dHärdöpfel sind übrigens sehr guet gsi. Das ganze mitem "Lehmofe" wird notürli nid immer so gmacht... Afghane choched eigentlich ganz normal mit ämnä Gasherd. Die Art isch meh öppis festlichs ufem Land (relativ günstig und guet). Aber do i dä Stadt ischs Lebe allgemein scho recht modern.
Pakistan
So am Rand, wilis obe erwähnt ha: Pakistan isch chli paradox - sie finanziered dä Chrieg vo dä Taliban gägä Afghanistan, bekämpfed dTaliban aber i ihrem eigene Land. Isch chli Arschloch-Politik, aber das sind sich die irgendwie gwohnt. Wenigstens chömeds jetzt chli zrugg über was sie Johre lang gförderet händ: Dä Ufbau vo Taliban-Extremiste über Jahre wo jetzt au ihres eigene Land bekämpfed - wil sich logischerwis au Extremiste nid vollständig kontrolliere lönd. Und wemer dene dIdee mitgit, dass sie än Gotteschrieg füehre müend denn füehreds dä äbä au gäg alles wo sie als "unislamisch" empfinded.
Äs isch drum au nid so unfair das usgrechnet dAmis jetzt au dTaliban zgspüre krieget, wil die lang au am Taliban Ufbau (i dä 80er gägä dSoviets) beteiliget gsi sind. dAmis händ nämli selber (zämä mit dä Saudis) öppe 40 Miliarde!!! in Ufbau und chrieg vo dä Taliban gsteckt.
Afghanischi WCs
Umno chli äs anders Thema azschnide: Afghanischi WCs. Zumindest dä Balz weiss das ich chli äs Trauma ha mit afghanische WCs. Besser ischs nid worde sit denn:
Nid das ich sowas jemols benutzt hätt :-)